1. Урд зүгийн, өмнө байгаа: өмнөх орон (өмнө зүгийн орон), өмнөх орны ургамал (өмнө зүгийн оронд ургадаг ургамал), өмнөх орны хүн (урд зүгийн оронд амьдардаг хүн), ордны өмнөх талбай (ордны өвөр талд байх талбай) - Би цагаан ордны өмнөх талбайд очоод… зогслоо. Д.Намдаг. Түүвэр зохиол;

---

2. Цаг хугацааны хувьд өнгөрөн одсон нь: өмнөх байдал (урьдын байдал), өмнөх явдал (болоод өнгөрсөн үйл явдал) - Даргын сэтгэлд тэртээх зургаан жилийн өмнөх байдал буув. Н.Батбаяр. Гал атгасан гар;

---

3. Түрүүн, эхэнд байгаа нь: өмнөх өгүүлэл (эхэнд байх өгүүлэл), өмнөх үг (бичиг зохиолын эхэнд байх үг, оршил) - Өмнөх үгийг бичих үүрэг надад оногдлоо. Л.Түдэв. Зохиолын түүвэр.