1. Юмны дундаас цоолж цөмлөх, зах ирмэгээс хэлтлэн авсан байдал: өм хазах (ямар нэгэн зүйлийн захаас тасарч унатал хазах), өм татах (арьс шир, дээл хувцас зэргийн дундаас хэсэглэн цоочин авах, урах) - Дээлийн ар голоос тавгийн аман чинээ дайтай өм татаад... хаяв гэнэ. Ж.Пүрэв. Гурван зангилаа., өм түлэгдэх (өмөрч унатлаа түлэгдэх), өм цөм [хоршоо] (энд тэндгүй, өмөрч цөмөрсөн байдал), өм цөм үмхлэх (энд тэндээс нь том том хазаж идэх) - Бяслаг өм цөм үмхэлж цайг сорж уугаад... сууж байлаа. Л.Дашням. Бурхантын цэцэг;

---

2. Олон хүн, амьтны дундуур хүчтэй дайран орж байгаа нь.