1. Хоол тэжээл идэхийг хүсэж байгаагаа мэдрэх - Өлсөж туйлдсан энэ хүмүүс дахин гурав хоног хүлээж... гэнэ. Ж.Дамдин. Үймээний жил., гэдэс өлсөх (хоол идэхийг хүсэх), өлсөж туйлдах (хоол ундгүй явсны улмаас ядрах), өлсөх даарах [хоршоо] (хоол ундгүй даарч хөрөх), өлсөх зовох [хоршоо] (идэш уушаар хомс, өлөн байх) - Олон албатууд нь идэш уушаар дутагдан өлсөж зовох болжээ. В.Шарма. Таван сургамж., өлсөх ундаасах [хоршоо] (юм ууж, идэхийг хүсэх) - Өлсөж ундаасах гэдэг туйлгүй. С.Дашдэндэв. Улаан наран., өлсөх цангах [хоршоо] (хоол унд дутагдах) - Халах хөрөхөөс л халшрах, өлсөх цангахаас үл халгах. В.Шарма. Таван сургамж., өлсөөд идэх хоол амттай, даараад өмсөх дээл дулаан [зүйр цэцэн үг] (хүн зовоогүй үедээ жаргалыг мэдэрдэггүй гэсэн санаа);

---

2. [шилжсэн] Ногоо зэрэг зарим ургамлын ус хатаж хорчийх: алим өлсөх (алимын шүүс нь татран хорчийх), манжин өлсөх (манжин хатаж хорчийх) - Манжин лууван зэрэг ногоо амархан өлсдөг учраас нойтон элсэнд хийх хэрэгтэй. “Зууны мэдээ” сонин., өшихдөө х‎эрүүлч, өлсөхдөө хулгайч [зүйр цэцэн үг] (тухайн орчин нөхцөлөөс болж хүн өөрчлөгддөг г‎‎эсэн санаа).