1. Сэмхэн амдаж хүлээх, тосож хүлээх: араатныг отох (араатныг явах замд нь амдан хүлээх), чоно отох (чоныг явах замд нь сууж хүлээх), зам отох (ямар нэгэн унааны явах замыг тосох) - Туулайн зам отсон бэлтэргэн чоно аятай ингэж нуугдаж зогсоод яах вэ дээ гэж мань эр өөртөө хэлэв. Ж.Пүрэв. Гурван зангилаа., отож суух (амдан хүлээж суух), гэртээ ирэхийг нь отож байгаад уулзах (гэртээ ирж буйг нь тандан хүлээж байгаад тосож уулзах), анах отох [хоршоо] (ямар нэгэн зүйл болохыг тандан хүлээх);

---

2. [шилжсэн] Бусдыг тагнах буюу салахгүй дагах: ам отох (хэлэх үг бүрийг тандан сонсох), сиймхийг нь отох (ямар нэгэн чөлөө гарахыг хүлээх), отон харах (бусдыг сэм ажиглан харах), отож гэтэх (сэм гэтэх, тандах), муу санаа биеэ отох [зүйр цэцэн үг] (санаа муутай хүн өөрийгөө хүртэл тандах, өөртөө гай болох гэсэн санаа).