Анхаарал болгоомжгүйгээс болж гарсан алдаа, эндэл: гэр ахуйн осол (гэр ахуйд гарсан алдаа эндэл), автын осол (машин техникийн бүрэн бус байдал, жолоочийн буруу зэргээс болж гарах эндэл), машины осол (машин мөргөлдөн гэмтэж сүйдсэн нь), ослын гэрэлтүүлэг (осол гарах үед гэрэлтүүлэх гэрэл), ослын дохио (осол эндэл болсныг мэдэгдэх дохио тэмдэг), осол болох (алдаа, эндэл гарах), осол гаргах (анхааралгүйгээсээ болж алдаа хийх), осолд орох (гэнэт муу явдал тохиолдох), осол буруу [хоршоо] (гэм, алдаа дутагдал) - Миний осол бурууг түшмэд мэдсэн газар аваас өглөө бүр онц айлтга. В.Инжаннаши. Хөх судар., осол гэмтэл [хоршоо] (үйлдвэрлэлийн болон ахуйн ослоос үүдэн хүний бие махбодод гэмтэл учрах нь), осол гэнэдэл [хоршоо] (осол эндэл), осол цалгай [хоршоо] (хайнга, назгай байдлаасаа болж гаргасан алдаа дутагдал, гэм буруу) - Үүнээс гадна миний буруу осол цалгайг минь тайж ван нараас дараалан миний өмнө айлтган чадагчдад арван лан мөнгө. В.Инжаннаши. Хөх судар., осол цалгар [хоршоо] (салан задгай, омтгой байдал) - Осол цалгараа санан санан гутна. Д.Нацагдорж. Хайран охин., осол эндэл [хоршоо] (анхаарал болгоомжгүйгээс болж гаргасан алдаа), осол эндэгдэл [хоршоо] (алдаа эндэл), аюул осол [хоршоо] (гэнэт тохиолдох амь насанд халтай хэрэг явдал) - Уурхай гэдэг чинь осол аюул гардаг хэцүү л газар шүү. С.Лочин. Сэтгэлийн өнгө., осол гай [хоршоо] (хүний амь үрэгдэх, бэртэх зэрэг аюул, сүйдэл), үзэл осол [хоршоо] (а. Алдаатай үзэл бодол; б. Эндүүрэл), омог зальхайг өвөрлөсөн хүнд уршиг ирэх нь зайлшгүй, осол цалгайг сурсан хүн хэрэг олох нь зайлшгүй [зүйр цэцэн үг] (зальтай болоод болгоомжгүй байдал өөрт гай болох гэсэн санаа), омог ихэдвэл осол дагана, овор ихэдвэл өшил дагана [зүйр цэцэн үг] (бардам дээрэнгүй байдал өөрт гай болох гэсэн санаа).