1. Зэрэгцсэн олон юмны ширхэг бүдүүн, зай нь тарамдуу: арзгар үстэй (сэгсийсэн үстэй), арзгар шүдтэй (ярзгар жигд биш сийрэг шүдтэй);

---

2. Юмны гадаргуугийн гөлгөр биш, овон товон ихтэй байдал: арзгар банз (өөлж тэгшлээгүй банз), арзгар цаас (а. Ширхэг бүдүүнтэй цаас; б. Үрчгэр цаас), арзгар барзгар [хоршоо] (арсгар барсгар), арзгар сарзгар [хоршоо] (олон юмны байр байдал жигд, тэгш биш), арзгар гүрвэл [амьтан] (мөлхөгчдийн анги, замба гүрвэлийн овогт багтах, толгой дээрээ сэрвэгэр хайрсан эвэртэй, бие нь том жижиг арзгар эвэрлэг өргөстэй, өнгө цоохор, элсэн цөлд орших, нэг зүйл гүрвэл), Арзгар сухай (5м хүрэхүйц өндөр сөөг. Навч хайрсархуу маш жижиг, 1-7 мм урт. Найлзуур болон навчис тачир шулуун үсээр хучигдсан. Таван гишүүнт жижиг ягаан цэцгүүд оройн залаа баг цэцгийг бүрдүүлдэг. Харин хажуугийн залуу найлзуур дээр хааяа дөрвөн гишүүнт буюу дөрөвчилсөн бүтэцтэй цэцгүүд байрладаг. Дохиур 4-5, түүний шилбэ саланги. Үр боловсрох орон 3-4 баганатай).