1. Байсан юмыг авсан буюу гар хүрсэн ор, мөр, тэмдэг - Өчигдөр үдэш гал түлсэн ормон дээрээ галлав. Н.Банзрагч. Зам; хурууны ором (ямар нэгэн зүйлд хүрсэн хурууны мөр, тэмдэг), хөлийн ором (хүн, амьтны хөлийн мөр), тамга тавьсан ором (тамгалсан тэмдэг), ором гарах (ямар нэгэн зүйлийн ул мөр үлдэх), ором гаргах (ямар нэгэн зүйлд ул мөрөө үлдээх), ором үлдээх~ором орох (ул мөр үлдэх, ул мөр үлдээх), ором татах (а. Эд материалыг огтолж зүсэхээсээ өмнө утас татаж шугамдах; б. Бөс бараа зэргийг эсгэж оёхоосоо өмнө тэмдэг тавих), ором тором [хоршоо] (ор мөр) - Тэр салхинд олон онгоц бутран, ором торомгүй болж, аль огторгуйд эчсэнийг мэдэхгүй болвай. В.Инжаннаши. Улаан үүлний нулимс., мөр ором [хоршоо] (улбаа);

---

2. Ямар нэгэн хэрэг явдлын сүвэгч, мэдээ сураг: ором сураг [хоршоо] (хэрэг явдлын мэдээ чимээ)