Зарлагын эсрэг утга, орж байгаа эд, мөнгө: улсын орлого (улсын сан хөмрөгт орж байгаа зүйл) - Иймд ан гөрөөсөө хамгаалан хямгадаж ашигтайгаар агнаж, улс эх орондоо их орлого оруулах нь чухал болно. Ж.Дамдин. Миний монгол., жилийн орлого (жилийн хугацаанд олсон ашиг), нийт орлого (олсон бүх ашиг), дундаж орлого (нийт олсон зүйлийн дундаж хэмжээ, баримжаа), завсрын орлого (үндсэн орлогоос гадуур олж буй зүйл), өдрийн орлого (нэг өдөрт олох зүйл), мөнгөн орлого (орж байгаа зүйлийг мөнгөөр тооцсон нь), цэвэр орлого (орж ирж буй зүйлээс зарлагаа тооцон хасахад үлдэх ашиг), орлогын эх үүсвэр (мөнгө ч юм уу, ямар нэгэн зүйлийг олох үндэс), орлогын албан татвар (бие даасан орлого бүхий үйлдвэрлэлийн газар, байгууллага, иргэд, тус улсын болон гадаадын иргэд, харьяалалгүй хүмүүсээс орлогын нь зохих хувиар ногдуулж төрийн төвлөрсөн хөрөнгийн санд хураан оруулдаг мөнгө, хөрөнгө, татвар), орлого зарлага [хоршоо] (оруулж авсан ба зарцуулж хэрэглэсэн зүйл), орлого зарлагын данс (орлого зарлагыг бүртгэн тэмдэглэх баримт бичиг), ашиг орлого [хоршоо] (орж байгаа болон ашиг болж буй зүйл).