1. Чангаар уйлах: эхрэн орилох (эхэр татан чанга дуугаар уйлах) - Өлсөж цангасан дүү нь хуурай уруулаа шилэмдэн ахынхаа өвөр лүү гараа шургуулах гэж оролдсоноо гэнэт эхрэн орилов. Б.Нямаа. Арандалынхан., гаслан орилох (ямар нэгэн зүйлд шаналж харуусан их дуу тавин уйлах), өдөр шөнөгүй орилох (цаг үргэлж уйлах);

---

2. хашхирах, чанга дуугарах: тэмээ орилох (тэмээ чангаар үргэлжлүүлэн буйлах) - Олон тэмээ орилж, ийш тийш тэшнэ. С.Удвал. Их хувь заяа., хоолойгоо сөөтөл орилох (хоолойгоо сөөтөл бархирах), орилох чарлах [хоршоо] (хоолой шахан чанга дуугарах), орилох бархирах [хоршоо] (чанга хашхирах);

---

3. Сэтгэлд нийцгүй муухай дуу авиа гаргах: дуу орилох (эв хавгүй, солгой хоолойгоор дуулах) - Эцгийн заасан хэдэн дууг л орилдог юм. С.Лочин нар. Галтай залуу нас.