1. Үүд хаалга, авдар хорго зэрэгт цоож үмхүүлэх, цүү шургуулах нүх сүв: нууц оньс (нүдэнд ил харагдахгүй нүх сүв), далд оньстой цоож (ил харагдахгүй нууц нүх сүвтэй цоож), оньсыг нь тааруулах (нүх сүвийг нь тааруулах), оньсон тоглоом (олон модоор оньсолж бүтээдэг ардын тоглоом);

---

2. Түгжих хэрэгсэл: модон оньс (модоор хийсэн түгжээ) - Бүдүүн хуруутай бадриун гар тотгоор орж ирээд хаалганы хавтасны модон оньсыг мултлав. П.Хорлоо. Багш., төмөр оньс (төмрөөр хийсэн түгжээ), оньс чагтны арга (хадаас хэрэглэлгүй аливаа зүйлийг хооронд нь холбон бүтээх арга), оньс түлхүүрийн төмөр нь нэг, ооль хөрөөний төрөл нэг [зүйр цэцэн үг] (хэлбэр дүрс нь өөр боловч гүйцэтгэх үүрэг нь нэг гэсэн санаа);

---

3. Хавхны эрхий торгох бяцхан мод: оньсыг нь сугалах (хавхны эрхий торгох бяцхан модыг мултлах);

---

4. Машин, техникийг хөдөлгөх дотоод төхөөрөмж: оньсон холбоо (нэг эд анги нь нөгөөгийнхөө ховилд орж эргэн түгжигдэх замаар ажилладаг эд ангиудын холболт), оньсон хөдөлгүүр (оньсоор хөдөлдөг машин) - Тэр хүн чухам яагаад оньсон машин зохиох болов. Ш.Гаадамба. Элбэг дээл.