1. Юмны хөвөө, ирмэг ба үзүүр дахь бяцхан сэтэрхий, хоног: сумны онь (хөвчинд үмхүүлэн тогтооход зориулсан мөсний уг дахь бяцхан хоног), онь им (малын чихний торгон үзүүрийг бага зэрэг ухан хайчилж гаргасан ац тэмдэг) - Янз бүрийн имийн дотроос цуулбар буюу босоо хагалбар, онь, ухмал зэрэг им үлэмж дэлгэрчээ. Д.Гонгор. Халх товчоон., онь ухах (ямар нэгэн зүйлд ац, хоног гаргах), онь хараа [хоршоо] (бууг онилоход зориулсан жижиг сэтэрхий);
2. Уул, давааны хярын сэтэрхий, нам газар -
Гурван хүн мордон Даш Дугар хоёрын дэргэдүүр шахам хатируулсаар ониор даваад явчхав. Н.Банзрагч. Зам., онь хөтөл [хоршоо] (уул, давааны хярын сэтэрхий, нахиу);
3. Зургийн аппаратны гэрэл цохиулах цагийг тааруулдаг бяцхан хэрэгсэл;
4. [шилжсэн] Хамарлан ухсан хөвч торгох газар:
онь зуулгах (а. Уургын бөгс, үзүүрийг заадаслан залгах, ац гарган зүйж залгах; б. Годилын онийг нумны хөвчид торгох);
5. [шилжсэн] Хэрэг явдлын зангилаа, амин газар:
онийг нь олох (хэрэг явдлын зангилааг олох),
*онь холбох (зэрэгцэх, зэрэг үйлдэх),
онь холбон буудах (хоёр хүн нэг юмыг зэрэг буудах),
онь холбон зугтах (хамт зугтах) -
Гэтэл байдас маань ороо хээртэй онь холбон зугтлаа. Л.Дашням. Нялх ногоо.