1. Ургаа мод язгуураараа ховхрон унаснаас үүссэн хонхорхой: модны онги (модны язгуур байсан ором), онги цохих (үндсээрээ ховхортол хүчтэй цохих), онги татах (ховх татах) - Тэгтэл газар нь тэр аяараа онги үсэрч цагаан цэргүүд амьд үлдсэнгүй. Ч.Лувсанжав. Дамдины бага хүү;
2. Багаж хэрэгслийн ишийг углах нүх:
шанаганы онги (шанаганы ишийг углах нүх),
хүрзний онги (хүрзний иш тогтоох нүх) -
Ишний угийн хажуу талаас 20 см орчим хэсгийг бүдүүний гуравны нэгийн хиртэй зузаанаар ташуу авч шимээсэгний онгийг суулгана. Ж.Самбуу. Мал маллагааны арга туршлага., онги санги [хоршоо] (эвдэрч хэмхрэн нүх сүвтэй болсон нь);
3. Бялууны матигар үзүүрт жин нэмэх зорилгоор хийсэн төмөр углуурга:
онги бялуу (хоёр тохой орчим урт бөгөөд бүдүүн матигар үзүүрт нь төмөрлөг углуурга бүхий бялуу),
онги шаахай (оёосгүйгээр углан өмсдөг тагалцаг шаахай),
онгин тамга (дундаа хоосон дугариг хэлбэртэй малын тамга).