1. Ямар нэгэн зүйл бусад юманд мөргөн буцах, дээш дэгдэх: бөмбөг ойх (бөмбөг ямар нэгэн хатуу зүйлд тусаж дээш хөөрөх), ойх буух [хоршоо] (ямар нэгэн зүйл хатуу юм мөргөн дээш дэгдэж буцан унах) - Царилын үзүүрээс жижиг жижиг мөстэй шавар үсрээд царил нь пүрштэй юм шиг буцаж ойх ажээ. Л.Түдэв. Нүүдэл суудал., үсрэх ойх [хоршоо] (юм ямар нэгэн зүйлд тусаж дээш дэгдэх);
2. Гэрэл, дууны долгион, бусад цахилгаан соронзон долгион тархах явцдаа нэг зүйлийн орчноос гарч, шинэ орчны зааг гадаргууд хүрээд уг орчиндоо буцах:
гэрэл ойх (гэрэл тухайн орчиндоо эргэж ирэх);
3. Шингэн зүйлийн оргин дэврэх, овойж дээшлэх:
тошин ойх (мөсөн дээгүүр ус гүйж овойн хөлдөх),
цус ойх (нүдний цагаан дотор цус хуралдах);
4. [шилжсэн] Хүн, амьтан орон нутаг, мал сүргээсээ зайлан ганцаар явах:
нутгаасаа ойх (нутгаасаа явж одох),
сүргээсээ ойх (сүргээсээ тасран ганцаар явах),
ойж одох (ганцаараа явах),
ойх ийлэх [хоршоо] (олны дундаас ганцаар тасран зугтаж одох, ороолж зугтах).