1. Бараа сүр, үзэгдэх гадаад байдал: овор хүнд бие (нүсэр, том бие) - Хүү чи үнэхээр тогтоож чадвал, өндөр харамж хүртээе гээд овор хүнд биеэ дааж ядан хөдөлгөв. З.Баттулга. Уяхан замбуутив., овор багатай хүлээн авагч (авсаархан, бага хэмжээтэй хүлээн авагч);
2. Хүний дүр төрх, байр байдал:
овор багатай хүн (наснаасаа залуу харагдах хүн),
овор ихтэй (наснаасаа хөгшин харагдах нь),
овор суух (нас ахиж хөгширч буйн шинж тэмдэг илрэх) -
Сахал үс нь ургаж, царайд нь овор суужээ. Л. Түдэв. Уулын үер., овор байдал [хоршоо] (юмны харагдах хэлбэр),
овор дүр [хоршоо] (а. Хүний нүүр царайны байдал; б. Юмны гаднах дүр, төрх),
овор төрх [хоршоо] (хүний нүүр царайны гадаад байдал);
3. Нөхцөл байдалд зохицуулан ааш зангаа хувиргах нь:
овор гаргах (а. Ямар нэгэн хэрэг явдалд тохируулан зохих дүр байдал гаргах, намба заах; б. Бусдад эвгүй зан гаргах буюу загнах),
овор заах (овроороо түрээ барьж дээрэнгүй зан байдал үзүүлэх),
овор ихэдвэл доройтно [зүйр цэцэн үг] (хөгширч ядрах гэсэн санаа).