1. Унь, шургааг мэтээр яс мод хийж, гадуур нь үйс, өвс, эсгий, арьс зэргээр хучиж хийсэн оромж, чээжин гэр: анчны овоохой (анчны оромж) - Анчны овоохойн үүдэнд буулаа. Б.Явуухулан. Хар ус нуурын шагшуурга., өвсөн овоохой (өвсөөр бүрсэн оромж), холтсон овоохой (холтсоор бүрсэн сууц), урц овоохой [хоршоо] (хэд хэдэн мод босгож, үзүүрийг нь нийлүүлэн боогоод, бусад модыг нь түүнд дэрлүүлэн, ан амьтны арьс, үйс, холтос, бөс даавуу зэргээр бүрсэн оромж) - Урц овоохойнуудаас утаа суунаглана. П.Хорлоо Багш;

---

2. Муу гэр - Сумын даргын суух гэр гэж бидний хар овоохойноос ялгагдахгүй байж яаж болох вэ. Л. Түдэв. Уулын үеэр., овоо байвал шувуу суудаг, овоохой байвал хүн буудаг [зүйр цэцэн үг] (овоолж хураасан зүйл дээр шувуу үргэлж суудаг, оромж гэр байвал тэнд хүн амьдардаг гэсэн санаа).