1. Нойтон зөөлөн, нялцгар: нялцгай шир (сая төхөөрсөн малын нойтон шир), нялцгай замаг (зөөлөн замаг) - …савслагаас тасралтгүй хөөцөлдсөн нялцгай замаг, хорхой наалдсан чулуун даланд халтиран буцна. С.Эрдэнэ. Кремийн хүүхдүүд., нялцгай улаан мах (сая төхөөрсөн нойтон, түүхий мах), нялцгай биетэн [амьтан] (бие зөөлөн, цагариг үегүй, хоёр хажуугаараа тэгш хэмтэй, хөл махлаг, олонх нь дун хавтастай, сээргүйтний доторх нэгэн хүрээтний амьтан, зөөлөн биетэн), нялцгай түрүү [ ургамал] (уулын жим, усны хөвөө, чийгтэй, элсэрхэг газарт ургадаг нэг наст өвс, цэцэг нь иш салааны оройд дэлгэрнэ);

---

2. Бие махбодын сул, дорой: улаан нялцгай амьтан (а. Хүн, амьтан тамир тэнхээгүй, дорой; б. [шилжсэн] Төрөөд удаагүй нялх хүүхэд), нялх нялцгай [хоршоо] (тамир тэнхээ сууж амжаагүй бага балчир);

---

3. [шилжсэн] Аймхай, хулчгар.