1. Юмны шигүү, чигжүү, шахуу: нягт бодис (бодисыг бүрдүүлэгч эд эсүүдийн хоорондох зай ойр) - Шорооноос нягт эс билүү. Жангар., нягт сормуус (өтгөн сормуус), нягт ургах (шигүү ургах), хүн ам нягт суурьших (хүн ам ихтэй байх), зайгүй нягт (ямар ч зай завсар байхгүй) - Зайгүй хатуу нягтад зүүний үзүүр орохгүй. Д.Нацагдорж. Учиртай гурван толгой., нягт хив (атираатуулан нэхсэн торгон нэхмэл), нягт сийрэг [хоршоо] (аливаа зүйл, юмсын хоорондын зай хол болоод ойр байгаа нь), нягт шигүү [хоршоо] (юмс хоорондын зай тун бага, бага зайд их хэмжээгээр багтсан нь);

---

2. [шилжсэн] Хянамгай болгоомжтой: хичээнгүй нягт (хянамгай, болгоомжтой), нягт нямбай [хоршоо] (чамбай, хичээнгүй) - Михайл Яковлевич бол туранхайвтар нимгэн царайтай, нас тогтсон, харц зөөлөн, багш болов уу гэмээр нягт нямбай хүн байлаа. М.Чойжил. Андын нутаг алсдахгүй., нарийн нягт [хоршоо] (аливаа ажилд нямбай хянамгай хандах нь);

---

3. [шилжсэн] Хүмүүсийн харилцааны ойр дотно байдал: нягт зузаан (ойр дотно харилцаа бүхий), нягт холбоотой байх (ойр дотнын х‎элхээ сүлбээтэй байх), нягт харилцаатай (дотно харьцаатай), нягт шар [ургамал] (хальсархаг бөгөөд бяцхан мөнх ногоон навчтай, жижгэвтэр мод, дулаан оронд ургана), нягт шар мод [ургамал] (уулын хяр, чулуутай хөрсөнд ургадаг, мөнх ногоон бут мод, багавтар тураг мод, үнсэн өнгөтэй, илчлэг холтостой, цэцэг нь дотроо ургана).