1. Юмыг хармагц таних, андахгүй мэддэг болох: мод нүдлэх (даалуу зэргээр наадаж тоглохдоо модыг андахгүй мэдэх), сайн нүдлэх (сайн гэгч нь тогтоож авах) - Би энэ хар үнээг сайн нүдэлж аваад эргэтэл - Хашбат аа гэж миний араас хүн дуудав. П.Лувсанцэрэн. Хөдөөгийн дуун., нүдэлж зүслэх (хармагц таньдаг болох) - Хүн өөрийн хариуцан маллаж байгаа мал сүргээ нүдэлж зүслэх, нэр хоч өгөх зэргээр нэг бүрчлэн нэн сайн таньдаг байвал зохино. Ж.Самбуу. Мал маллагааны арга туршлага., нүдлэх тогтоох [хоршоо] (ой тойндоо ортол чээжлэх);

---

2. Зарим ургамлын сая цухуйн ургах: агь нүдлэх (агь цухуйх) - Агь бол эрт нүдэлдэг учир ядарсан малыг амархан тэнхрүүлнэ. Ж.Самбуу. Мал маллагааны арга туршлага., яргуй нүдлэх (яргуй сая цухуйж ургах);

---

3. Гүдрүү, яр зэрэг аль нэг хэсгээрээ нимгэрэн цоорч, орой гарах: хатги нүдлэх (хатгины толгой гарах);

---

4. Цас бага зэрэг хайлж цоохортох: цас нүдлэх (цас хайлж, газар цоохортох) - Хавар болж цас нүдлэн... хайлав. Ч.Чимид. Хавар намар;

---

5. Шургуулга, сав суулга зэрэгт өрөө, нүд хийх.