Нүдний булчирхайнаас гарах тунгалаг шингэн: нулимсны булчирхай (тунгалаг шингэн ялгаруулагч булчирхай), нулимсны сувганцар (нулимсны цэгүүдийг нулимсны ууттай холбосон нарийхан хоолой), нулимсны уут (хамар, нулимсны сувгийн дээд талын өргөссөн хэсэг), нулимсны хөхлөг (нүдний дотор өнцөг дэх махлаг ургацаг), нулимсны цэг (нулимсны хөхлөг дээр байх жижиг сүв), нулимс асгарах (нүднээс тунгалаг шингэн ихээр гарах), нулимс алдах (уйлах), нулимсаа барах (их уйлах), нулимсаа барих (уйлахыг тэвчих), нулимсаар будах (нүднээсээ тунгалаг шингэнийг их хэмжээгээр асгаруулах, гаргах), нулимс бүрхэх (нүдний аяга ус мэт шингэнээр дүүрэх) - Авгайн царай дорхноо хувхай цайн уруулаа хазаж нүдийг нь нулимс бүрхэн ирэв. С.Лочин. Сэтгэлийн өнгө., нулимс гүйлгэнэх (нүдний аяганд тунгалаг шингэн бий болох) - Уянгын нүднээ нулимс гүйлгэнэж хацар руу нь урсав. С.Лочин. Сэтгэлийн өнгө., нулимс дусах (нүднээс тунгалаг шингэн дусал дуслаар гоожих), нулимс дүүрэх (нүдний аяга тунгалаг шингэнээр дүүрэх), нулимс мэлмэрүүлэх (нулимс урсган чимээгүй уйлах) - Өссөн төрсөн нутаг минь гэж нулимсаа мэлмэрүүлэн, хөлсөө асгаруулан явав. С.Удвал. Та бид уулзана., нулимсаа нуух (уйлж байгаагаа хүнд мэдэгдэхгүй гэж нуух), нулимс унагах (нүднээс шингэн зүйл асгаруулах), нулимс хатах (нүдэнд хурсан тунгалаг шингэн ууршиж үгүй болох), нулимс хурах (шингэн тунгалаг зүйл нүдийг бүрхэх), нулимс эгших (нүдэнд хурсан тунгалаг шингэн алга болох), баярын нулимс (баярлах, сэтгэл хөөрөх үед нүднээс гарах тунгалаг шингэн), гомдлын нулимс (ямар нэг зүйлд гомдоход нүднээс гарах тунгалаг шингэн), зовлонгийн нулимс (зовсны улмаас нүднээс гарах тунгалаг шингэн), хагацлын нулимс (салж хагацах үедээ уйлах нь), усан нулимс (нүднээс тунгалаг шингэн ус шиг ихээр асгарах нь), хар нулимс (гуниг, уйтгарын нулимс), өвөр дүүрэн нулимс (асгартал уйлж дээлийнхээ өврийг норгох), доголон нулимс (ганц нэг дусал нулимс) - Солийн торомгор хар нүднээс ганц хоёр дусал нулимс бөмбөрч Батын гар дээр дусав. Ц.Дамдинсүрэн. Түүвэр зохиол., нус нулимс [хоршоо] (нүд болон хамраас гарах шингэн зүйл) - Эх охин хоёрын цус нулимсаар наадсан. Ч.Лхамсүрэн. Хурандаа., нүүрээ нулимсаар угаах (а. Маш их уйлах; б. Маш их зовох, зүдрэх), нулимс унагахаар, нударга зангид [зүйр цэцэн үг] (зовлон тохиолдоход сэтгэлийн хат, тэвчээртэй байх хэрэгтэй гэсэн санаа).