Өргөн хошуутай, богино бөгөөд сарвагар сарвуу бүхий хөлтэй, усны шувуу: нугас галуу [хоршоо] (усны шувууд) - Ононгийн гарам дээр галуу нугас чуулсан мэт хүүхдүүд шуугилдан... байлаа. С.Эрдэнэ. Хулан бид хоёр., боржин нугас [амьтан] (ногоон алаг нугастай адил нэгэн зүйл гэрийн тэжээмэл шувуу, тэрмэн нугас), бохио нугас [амьтан] (боржин нугаснаас томхон, хошуу сунамхай, мах нялуун, загасаар хооллодог нэгэн зүйл шувуу), бяд нугас [амьтан] (хошуу шуумгай, бие бяцхан загасаар хооллодог шувуу, мах нь нялуун учир хүнсэнд хэрэглэдэггүй), лам нугас [амьтан] (ангир), хувин нугас [амьтан] (жигүүртээ цагаан бидэр бүхий нэг зүйл нугас), нугасан хошуут [амьтан] (бие тарган, хүрэн өнгөтэй, сүүл охор бөгөөд өргөн, ам нь нугасны хошуутай адил нэгэн зүйл дэлэнт амьтан), нугасан таваг [ургамал] (ой шугуйн хөвөө, хээр тал, сүүдэрлэг чийгтэй газар, гуу жалганд ургадаг, хөх цэцэгтэй нэг наст өвс; цэцэг нь эмд орно), нугасан цоохор [ургамал] (олон наст өвс, нийлмэл навчтай, жижиг навч нь гурав, өргөн өндгөлжин хэлбэртэй, бүхэл өвс нь эмийн найрлагад ордог), нугас дуурайж, элээ усанд унах [зүйр цэцэн үг] (өөрийн чадвараа мэдэхгүй бусдыг дуурайн онгирч бүтэлгүйтэх гэсэн санаа), нуур далай шиг идээтэй, нугас галуу шиг үртэй [зүйр цэцэн үг] (өнөр өтгөн, хангалуун амьдрах гэсэн санаа), нугас шувуу ирэхэд нуурын ус гэсдэг, харцгай шувуу ирэхэд хангайн цас хайлдаг [зүйр цэцэн үг] (усны шувууд ирэхээр урин дулаан цаг, хавар болдог гэсэн санаа)