1. Аливаа зүйлийг ‎эвхэн нугалахад тогтсон ором: нугалаа гаргах (нугалсан ором тогтоох), нугалаа тогтох (нугалсан ором бий болох), нугалаатай цаас (нугалж эвхсэн цаас), олон нугалаатай (олон дахин нугалсан ором бүхий) - Тэр олон нугалаатай хормойтой эрээн даавуун даашинз, нимгэхэн ултай шаахайгаа өмсжээ. С.Эрдэнэ. Хонгор зул., үрчлээ нугалаа [хоршоо] (хунирч үрчийснээс үүсэх ором);

---

2. Уул нурууны залгалдсан газар ба газар усны тахиралдсан хэсэг - Давааны өндөрт салхи ширүүн бөгөөд шилмүүст ойн содон үнэр анхилж, тэртээ дор хөх ногоон шугуй дундуур урсах Онон голын нугалаанууд гялалзан мэлтэлзэн харагдав. С.Эрдэнэ. Хонгорзул;

---

3. Дуу хөгжмийн айзам хөгийн чимэг: дууны нугалаа (дууны хөгийг өөрчилж байгаа нь) - Аливаа эгшиг аялгуунд элдэв зүйлийн урт богино, бүдүүн нарийн нугалаанууд байдаг. С.Буяннэмэх. Түүвэр зохиол;

---

4. Бөхийн барилдааны давааны ээлж дараа, дүйз: нугалаа хүлээх (ээлж дараагаа хүлээх);

---

5. Шүлгийн мөр дэх утгын цэглэлт, хэмнэл: нугалаа гарган унших (шүлгийн утгат хэсгийг тодруулан хэмнэл тааруулан унших) - Шүлгийн мөрийн нугалаа нь хэл найруулгынхаа үүргээр үргэлжилсэн зохиолын найруулгад цэг таслал хэрэглэхтэй адил үүрэгтэй байна. “Цог” сэтгүүл.