Голын хөвөө дагуу болон уул нуруу, даваа гүвээ зэрэг газрын хөндий дэх чийг ихтэй өвс, ногоо сайн ургадаг булан тохой газар: ногоон нуга (өвс ургамал сайтай газар) - Нуга хонхор газраар нь нуруу, бухал өвс зөндөө харагдана. С.Дашдэндэв. Үүрийн цолмон., уулын нуга (уул, уулын суга хөндий), нуга жалга [хоршоо] (уул, толгодын суга хөндий, гүн гуу) - Уулын нуга жалгаар үлдсэн цас нарны гэрэлд гялалзан, ертөнц зөөлөн бөгөөд дулаан өнгөөр туяарах ажээ. Ч.Лодойдамба. Тунгалаг Тамир., нуга хоолой [хоршоо] (уул, толгодын хоорондох чийг ихтэй, ургамал сайтай өргөн тавиу газар), нутаг нугаа доргиох (үймээн тарих).