1. Өчүүхэн төдий, ялимгүй бага: арай дутах (ялимгүй дутах), арай дээр (ялимгүй дээр), арай муу (үл ялиг муу), арай намхан (ялимгүй намхан) - Арай намхан нуруутай юм. Ц.Уламбаяр. Хүний чанар., арай сайн (бага зэрэг сайн), арай хүрэхгүй (бага зэрэг хүрэхгүй, ялимгүй дутах);

---

2. Үгүйсгэх үгтэй нийлж даанч, эгээ гэсэн утга илтгэнэ: арай үгүй байлгүй (даанч үгүй байлгүй), арай ч дээ (даанч дээ), арай тэгэхгүй (эгээ л тэгэхгүй), арай тэгэх хүн биш (эгээ л тэгэх хүн биш);

---

3. Хугацаатай үйл ажлын хугацаа ойртож шахамдсаныг заахад хэрэглэнэ: арай гэж (дөнгөж, дөнгөн данган) - Гамин Цэрэнгийн тэр үг дохиог ухаж, даарч бээрсэн гараа арай гэж өргөв. Б.Ринчен. Үүрийн туяа;

---

4. Бараг, дөхөм: арай амжихгүй (бараг л амжихгүй), арай завдахгүй (бараг завдахгүй) - Би чамд зун тийш бас нэг чисчүү дээл хийж өгөх гэж байгаад арай завдсангүй дээ гэж хэлжээ. Б.Ринчен. Үүрийн туяа., арай мөрий [хоршоо] (дөнгөн данган), арай чамай [хоршоо] (дөнгөн данган, арай хийж) - Би бултаж буруулсаар арай чамай гарч ирэв. С.Дашдэндэв. Улаан наран., арай чарай [хоршоо] (арай чүү) - Бет улсын хэд хэдэн удаагийн ач тусыг тоочиж Ялгуугийн дайн дэгдээхийг арай чарай хориглож хойшлуулав. В.Инжаннаши. Хөх судар., арай чүү [хоршоо] (чадан ядан, нэлээн түвэгтэйгээр), арай ядан [хоршоо] (дөнгөн данган).