1. Хонь, тэмээ зэрэг мал, амьтны биеийг бүрхсэн үс унгас: хонины ноос (хонины биеийг бүрхсэн үс унгас), тэмээний ноос (тэмээний биеийг бүрхсэн үс унгас), ноос бэлтгэх (малын үс унгасыг хярган авч худалдахад бэлтгэх), ноос хөндийрөх (ноос хөөрөх), ноос хөөрөх (мал, амьтны үс унгас биеэс нь хөндийрч сулрах), ноос савах (хяргаж авсан ноосоо саваагаар цохин сэмлэх), ноос ээрэх (ноосоо сувин ширхэглэн томох) - Ноос ээрдэг эмгэн маань ноён болох санаатай гэнэ. Ц.Дамдинсүрэн. Түүвэр зохиол., ноос шарлах (малын үс унгас шавар, баасандаа түлэгдэн шарлах), ахрын ноос (намар хяргасан хонь, малын охор, богино үс), уртын ноос (хавар хяргасан хонь, малын урт үс), нарийн ноос (дан ноолуураас бүрдсэн ноос), ноос ноолуур [хоршоо] (мал, амьтны үс унгас), ноос үс [хоршоо] (мал, амьтны биеийг бүрхсэн үс), унгас ноос [хоршоо] (мал, амьтны үс, зунгаг), нүүрс муутын хад их, ноос муутын хаг их [зүйр цэцэн үг] (муу нүүрсэнд чулуу их, муу ноосонд хаг их гэсэн санаа), ноос олъё гэвэл ямаа тэжээ, зоос олъё гэвэл хүч гарга [зүйр цэцэн үг] (ямар нэгэн зүйлтэй болъё гэвэл хөдөлмөрлөх хэрэгтэй гэсэн санаа);
--oOo--