Гандаагүй ногоо, навч, оюугийн өнгө: ногоон өвс (ногоог хадаж хатаасан хойно уг өнгөөрөө буй өвс), ногоон дурдан бүс (гандаагүй өвс, ургамлын өнгөтэй дурдан бүс) - Хөх даалимбан дээл дээр ногоон дурдан бүс сулхан ороож, хуучин хар луучин гутал өмсжээ. Ч.Лодойдамба. Тунгалаг Тамир., ногоон хас (өнгө нь оюу мэт ногоон хас чулуу), ногоон сарьсан хавчаар (гандаагүй ногооны өнгөтэй сарьсан хавчаар), ногоон нанжин гахай гөлөм (оюугийн өнгөтэй нанжин гахай гөлөм) - Бэр мордуулахын өмнөхөн Итгэлт Ням гуайнд ирж, зузаан мөнгөн чимэг, ногоон нанжин гахай гөлөмтэй хүрээ хийцийн эмээл авчирч өгөв. Ч.Лодойдамба. Тунгалаг Тамир., ногоон цээл (эрэглэсэн гүн ус), ногоон цай (шахмал цай), ногоон буурцаг [ургамал] (эрс буурцгийн нам, шиш амуугаас баахан том, ногоон өнгөтэй нэгэн зүйл үр), ногоон галуу [амьтан] (өд өрвөлөг ногоон, халуу мэргэн), ногоон доожинч [амьтан] (доожинч бялзуухайгаас том, чандар ногоон, дотор шар, модонд дүүжлэх дуртай нэгэн зүйл бялзуухай), ногоон мэлхий [амьтан] (морин мэлхийнээс жижигхэн, ногоон өнгөтэй нэг зүйл мэлхий), ногоон толгойт [амьтан] (нэгэн зүйл соно; хөх түрүү), ногоон тоть [амьтан] (шар тотитой адил, толгой, ар жигүүр цөм ногоон, жигүүрийн уг шар, нэгэн зүйл тоть), ногоон хүрэлзгэнэ [амьтан] (голио), ногоон хурганы арьс, нохойн битүү туурайнаас бусад нь байх [зүйр цэцэн үг] (бүх төрлийн бараа таваар элбэг гэсэн санаа), ногоон дээл хийе гэсэн чинь өнгө ч үгүй, дотор ч үгүй [зүйр цэцэн үг] (юу юу ч үгүй байтлаа сайхан юманд хий горилох гэсэн санаа).