1. Араа шүд бүхий махчин зэрлэг амьтны нийтлэг нэр: араатан амьтан (махан тэжээлт амьтан), зэрлэг араатан (хээрийн махчин амьтан), араатны хаан арслан (зэрлэг амьтны хамгийн хүчтэй нь арслан), араатан жигүүртэн [хоршоо] (араа шүдтэй болон далавч жигүүртэй амьтдын ерөнхий нэр) - Араатан жигүүртэн ч гэтлэн гарахад бэрх, завын амыг чанд бэхлэн хадгалав. В.Инжаннаши. Хөх судар., араатныг аргаар, адуу малыг уургаар [зүйр цэцэн үг] (арга эвээр бүхнийг ялж дийлнэ гэсэн санаа); 2. [хуучирсан] Үнэг; 3. [шилжсэн] Хэрцгий, балмад - Бид өстөн дайсны чинь өөдөөс галзуу араатан мэт дайран орох болно. Чингис хааны түүх шастир., араатан дайсан (хортон дайсан), араатан зан (харгис хэрцгий зан).