Нэг төрлийн олон юмыг хамран заах төлөөний үг, бүгд: нийтийн аж ахуй (олон түмний өмч болсон аж ахуй), нийтийн санал бодол (олон түмний бодол санаа), нийт мал (бүх мал), нийтийн бүжиг (а. Олон үндэстний ардын бүжгийн эх сурвалжтай нийтээр бүжих бүжиг; б. Олон хүн хөгжмийн аянд цэнгэн бүжиглэх бүжиг), нийтэд ойлгомжтой (олон түмэнд ойлгомжтой) - Нийт нь нэгийн төлөө, нэг нь нийтийн төлөө гэсэн уриан дор ажиллацгаана. “Утга зохиол урлаг” сонин., нийтээр амрах баярын өдөр (хөдөлмөрийн хуульд зааснаар улс даяар амрах өдөр), нийт бүгд [хоршоо] (булт) - Эзэн хөвгүүн чи нийт бүгдийг төрсөнд мэт өршөө. В.Инжаннаши. Хөх судар., олон нийт [хоршоо] (ард түмэн, олон хүн), улс нийт [хоршоо] (нэгэн улсын хүн ард).