1. Нахигар юмны дахин дахин хөдлөх: уурганы үзүүр нахилзах (уурганы үзүүр байн байн дохилзох) - Уургач хар хүү ойртон ойртож, хулан борлог ч чичгэнэх уургын нахилзахыг үзмэгц адуун дундаас цойлон гарлаа. З.Баттулга. Уяхан Замбуутив., нахилзах найгах [хоршоо] (нахигар зүйлийн дахин дахин ганхан хөдлөх) - Бяцхан хумбагар навчтай улаан бургасан найлзуур нахилзан найгаж... байлаа. С.Эрдэнэ. Хонгорзул;

---

2. Хүн үе мөчөөр нугалах, тонголзож бөхийх: нахилзах тонголзох [хоршоо] (а. Нахигар тохигор зүйлийн байн байн хөдлөх; б. [шилжсэн] Нуруу бөхийлгөн, толгой гудайн хүндэтгэн мэндлэх - Юүй Чин-хэү пүүсийнхэн нахилзан тонголзсоор гэрээс гарч… билээ. З.Баттулга. Хөх тэнгэр; в. [шилжсэн] Зусар бялдууч зан гарган долигонох), духалзах нахилзах [хоршоо] (тонголзон бөхөлзөх);

---

3. Тахимаа нугалан мэндлэх: нахилзан ёслох (тахимаа нугалан ёслох), нахилзах намалзах [хоршоо] (‎эелдэг зан гарган мэхэлзэн бөхөлзөх), дохилзох нахилзах [хоршоо] (зусардан тонголзох).