Улс орны доторх нэгэн хэсгийн эрх ашгийг хамгаалж үз‎эл бодол, сонирхлоороо нэгдсэн хэсэг хүмүүсийн бүлгэм, улс төрийн байгууллага: намын гишүүн (тухайн намын үзэл бодол улс орныг хөгжүүлэх хөтөлбөр зэргийг хүлээн зөвшөөрч, намын аль нэг байгууллагад нь харьяалагдах хүн) - Сонгож батлагдсан дарга нар бүгд намын гишүүн юм. “Ардын эрх” сонин., намын батлах (намын гишүүн мөн болохыг батлан илэрхийлэх үнэмлэх бичиг), намын үүр (намын анхан шатны нэгж), намын дүр‎эм (намын гишүүд, намын байгууллагуудын дагаж мөрдөх заавар), намын мөрийн хөтөлбөр (намын байгууллагын зорилт, зорилго), намд элсэх (намын гишүүн болох), нам нийлэх (а. Намууд өөр хоорондоо нэгдэх; б. [xуучирсан] Сэм хуйвалдах, хүмүүс далдуур үгсэн эвлэлдэх) - Манай ноён Өөлдийн Амарсанаа, шадар бэйс Чингүнжавтай нам нийлж, сэм сүлбэлдэж, монголоо манжаас салгаж авъя гээд тангараглан ярилцаад адаг сүүлд нь болохоор манжийн хаанд ховлочихсон юм гэнэ лээ. Ч.Лодойдамба. Тунгалаг Тамир., нам засаг [хоршоо] (сонгуулиар олонхын санал авсан намаас томилон сонгосон удирдах эрх бүхий дээд байгууллага).