1. Юмны наад тал, энэтээ: голын наана (голын энэтээ), нарны наана (нарны наад талд) - Нарны наана түрүүгээ гудайлгасан хэдэн тариа дохилзон байв. С.Эрдэнэ. Өгүүллэгүүд., наана цаана [хоршоо] (а. Юмны хоёр тал; б. Хол ойр);

---

2. Дэргэд, хажууд - Наана чинь бэлэн цай байна. С.Эрдэнэ. Өгүүллэгүүд;

---

3. Ямар нэгэн цаг хугацаанд хүрэхээс өмнө: улсын баяраас наана (улсын баяр болохоос өмнө), наана ирэх (ирв‎эл зохих хугацаанаас өмнө ирэх) - Аймгийн наадам хорин тав хоноод болох тул түүнээс наана ирэх ёстой. Ч.Ойдов. Их жанжин Сүхбаатар танаа., сарын сүүлээс наана (сар дуусахаас өмнө), *наана уу, цаана уу гэж явах (хүнтэй эвсэг, найрсаг байх) - Эхнэр Донид нь нэлээд хэдэн дүү хэрнээ нөхрөөсөө илүү ёсорхог, ээвэр талын намар шиг налайсан, амьтан олны ая тал олж, наанаа уу, цаана уу гэж явахын одонд төрсөн ноомой шар авгай. Д.Урианхай. Халуун зуны сүүдэр., *наана цааныг бодохгүй (юмны учир начрыг тунгаадаггүй, бодлогогүй байдал), *наана цаана болох (ихэд самгардах, сандрах), *наана цаанагүй (илүү дутуугүй, яг таарсан нь) - Наана цаанагүй наймхан настайд нь ардын сургуульд оруулж билээ. С.Эрдэнэ. Хонгор зул., *амь наана, там цаана (маш их сандарч тэвдэх байдал) - Аюул! Хүн мал шуугилдан, амь наана там цаана болов. Л.Түдэв. Нүүдэл суудал., *наана бодох (ямар нэгэн зүйлийн талаар өнгөц бодох) - Та бүхэн хүүг минь түшиж тулж наана бодсоныг нь цаана болгож, буруу явсныг нь зөв болгож байгаарай гэж захья. П.Хорлоо. Багш., *өнгөө наанаа, өргөсөө цаанаа (сайхан байдал гаргаж муу санаагаа дотроо нуух гэсэн санаа) - Өнгөө наанаа өргөсөө цаанаа хийх болжээ. Ц.Уламбаяр. Зовлон жаргал.