1. Юманд нягт барьцалдан тогтох: наалдан хатах (барьцалдан хатах), наалдан тогтох (барьцалдан тогтох) - Удалгүй хувцсанд нь наалдан тогтсон цас нь хайлсаар нэвт норгож… билээ. С.Удвал. Та бид уулзана., наалдан шир (маш сайн наалддаг нэг зүйл цавуу), наалдах нагтах [хоршоо] (зууралдан салахгүй байх);

---

2. Юманд шахаж тулж барих, түших: наалдан барих (шахаж барих) - Уядаг хүнтэй барилдахдаа амжиж лав наалдаж барихыг хичээж барилдвал зүгээр байдаг. Ж.Дамдин. Монгол бөх., наалдаж зогсох (ямар н‎эгэн зүйлийг налж зогсох), *үзэж алдаж, үсэрч наалдах (хамаг хүчээрээ үзэлцэх) - Юу боллоо гэсэн ч үзэж алдаж үсэрч наалдана даа. Ч.Лодойдамба. Тунгалаг Тамир;

---

3. [шилжсэн] Ойр дотно болох зорилгоор салахгүй байх: наалдаад салахгүй байх (хаа явсан газарт нь ойртон дагах) - Хөө шиг харыг агуулсан хүн хэл аманд орчих гээд наалдаж байх алийг тэр гэх билээ. С.Лочин. Сэтгэлийн өнгө., *нойтон хамуу шиг наалдах (салахгүй дагах гэсэн санаа) - Гэвч хүүг минь өргөсөн юм гээд манайд нойтон хамуу шиг наалдах хэрэггүй шүү. Б.Ринчен. Үүрийн туяа., гүзээнд наалдсан дэлүү шиг, гөлмөнд наалдсан хавчуурга шиг [зүйр цэцэн үг] (салахгүй дагах, үрг‎элж хамт явах г‎эсэн санаа) - Намжилмаа чи ёстой гүзээнд наалдсан дэлүү шиг болоо шив дээ. С.Эрдэнэ. Өгүүллэгүүд.