Эрдэм мэдлэгтэй хүмүүс: мэргэдийн сургаал (эрдэм мэдлэгтэй хүмүүсийн сургаал), ухаантан мэргэд [хоршоо] (эрдэм, ухаан хосолсон хүмүүс), эрдэмтэн мэргэд [хоршоо] (шинжлэх ухааны аль нэг салбарын мэдлэгт мэргэшсэн хүмүүс) - Эрдмийн газар бол эртний мэргэдтэй барьцаж… Р.Чойном. Хаалганд хавчуулсан шүлэг., гэрийн бахархал үр хүүхэд, улсын бахархал ухаантан мэргэд [зүйр цэцэн үг] (ухаантай хүнээ улс орон хүндэлнэ гэсэн санаа), мэргэдийг хорсговол эрдэм гарах, мунхгийг хорсговол балаг гарах [зүйр цэцэн үг] (а. Эрдэм номтой хүнээс сайн зүйл гарах; б. Тэнэг хүнээс муу зүйл гарах гэсэн санаа), мэргэд цуглавал сонсголон болох, мунхгууд цуглавал зодоон болох [зүйр цэцэн үг] (ухаантан мэргэд цугларваас эрдэм гарах, харин эрдэмгүй хүмүүс цугларвал зодоон гарах гэсэн санаа).