1. Ойлгож төсөөлөх чадвар: мэдэл чанар (төсөөлөн бодох чадвар) - Мэдэл чанар төгссөн мэргэн бөө миний бие. Замлин Сэнчиний намтар оршив., онол мэдэл [хоршоо] (юмс үзэгдлийн талаар шинжлэх ухааны үндэстэйгээр нэгтгэн дүгнэх чадвар), оюун мэдэл [хоршоо] (оюун ухаан - Ганц би уртат сонсвол монголын эзэн Чингисийн сүр буян асар хэтэрхий бөгөөд оюун мэдэл сонин гайхамшигтай. В.Инжаннаши. Хөх судар;

---

2. Эзэгнэн захирах эрх: мэдэл ихтэй (эрх ихтэй), мэдлийн газар (эзэмшлийн газар), мэдлийн юм (өөрийн юм) - Манж амбаны мэдлийн болсон олон мянган малыг нутгийн гүнд оруулж... гэнэ. С.Удвал. Их хувь заяа., мэдэл чадал [хоршоо] (а. Эрдэм мэдлэг - Тиймийн тул эзэн намайг хэдийгээр мэдэл чадалгүй боловч, миний нэгэн чин үнэн хичээнгүй болгоомжийг айлдаж, олны дотроос өргөн гаргаж жонон болгон хүнд эрхийг бариулсан нь тухайлан улс төр ба олон цэргийн үхэх эдгэх чухал хэргийг тушаасан болой. В.Инжаннаши. Хөх судар; б. Эрх мэдэл), эрх мэдэл [хоршоо] (захирч дарангуйлах хэм хэмжээ) - Нөхдөөсөө өө сэв олж ядан цэргийн дүрмээр олгогдсон хир зэргийнхээ эрх мэдлийг бах ханан үзүүлэхэд нь хэний ч хор шар хөдөлмөөр болжээ. С.Эрдэнэ. Өгүүллэгүүд., мэнд нь хоймроо, мэдэл нь зүүнтээ [зүйр цэцэн үг] (айл гэрт эзэгтэй нь илүү эрх мэдэлтэй байх гэсэн санаа), барлагийн гар баяны мэдэлд [зүйр цэцэн үг] (ядуу дорд хүн эзний аясаар байдаг гэсэн санаа).