1. Чимээгүй уйлах: эхэр татан мэгших (амьсгалыг хүчтэй дотогш татан чимээгүй уйлах), сэмхэн мэгших (хүнд мэдэгдэхгүйг хичээж сэмхэн уйлах), мээрж мэгших (амаа ангалзуулан, эрүүгээ чичиргэн уйлах), уйлан мэгших (чимээгүй уйлах) - Унт даа гээд гарахад түүний уйлан мэгших чимээ чихэнд нь үлджээ. С.Удвал. Их хувь заяа., *зүрх мэгших (дотроо уйлах) -  Янжингийн борхон царай, дөлгөөн харц үзэгдэх шиг болоод зүрх мэгшин чамархаж билээ. Ж.Пүрэв. Бугын жим;

---

2. Ууль зэрэг шувуу, амьтны дуугарах - Ууль шувууны мэгших дуу бүүр ч эвгүй сонстов. Д.Мягмар. Уянгын туужууд.