1. Үгүй, тийм гэж батлах утгатай үг - Ангид замаар явсан боловч ганц сайн нөхөр минь мөн билээ чи. Монголын нууц товчоо., мөн удалгүй (тун удалгүй), мөн чанар (ямар нэг юмны дотоод агуулга, уг чанар, бусад зүйлээс ялгагдах онцлог), мөн бусыг мэдэхгүй (үнэн худлыг нь мэдэхгүй) - Мөнх бусыг бодолгүй мөрийн өндрийг хүсэшгүй, мөн бусыг мэдэлгүй мөргөл үйлдэхийг хийшгүй. ААЗ;

---

2. Тус, энэ: мөн оны арван сард (энэ оны арван сард), мөн аймаг (тус аймаг) - …мөн аймгийн Сайн ноён ханы хошууны Осор, Засагт хан аймгийн Ахай бэйл Сандагдоржийн хошууны Наваан… гэжээ. Д.Гонгор нар. Д.Сүхбаатарын тухай дуртгалууд., мэлхий харайвч мөн дороо, мөндөр үсрэвч энэ дороо [зүйр цэцэн үг] (ажил үйлс гүйцэтгэх чадваргүй гэсэн санаа);

---

3. Бас: мөн түүнчлэн (үүний хамтаар) - Тэр хүн нэг хүүхдээс Аладдин гэж аль хүүхэд, мөн хаана суудгийг нь лавлан мэдсэнийхээ хойно Аладдинд дөхөж очоод… байв. Аладдины шидэт дэнлүү., *үнэн мөнийг нь олох (хэрэг явдлын учрыг нь олох), *халагдахын мөн болох (халагдахыг ихэд хүсэх) - Удалгүй Ёндон эндээс халагдахын мөн болов. Ш.Гаадамба. Элбэг дээл., мөс гурван тохой хөлдсөн нь нэг шөнийх биш, мөн нас өтөлж хөгширсөн нь нэг өдрийнх биш [зүйр цэцэн үг] (аливаа зүйлийн хувьсал өөрчлөлт удаан хугацаанд явагддаг гэсэн санаа).