1. Хурц ирмэг ир байхгүй, гилгэр: мөлгөр хутга (ир муу хутга), мөлгөр чих (чихний дэлбэн нь ирмэггүй), мөлгөр чулуу (ир, ирмэг байхгүй мөлчгөр чулуу) - Мөнх цасан ихтэй, мөлгөр чулуун эрдэнэтэй... Алтайн магтаалаас;

---

2. Овон товон байхгүй, гадаргуу нь тэгш, гөлгөр: мөлгөр хад (овон товонгүй, гөлгөр хад), мөлгөр шил (тэгш, гөлгөр шил), мөлгөр дух (гөлгөр дух) -  Тос даасан мөлгөр духанд минь гүн үрчлээ сууж… байв. Ж.Пүрэв. Бугын жим., мөнгө шиг цагаан, мөс шиг мөлгөр [зүйр цэцэн үг] (цэвэр цэмцгэр болоод гадаргуу тэгш, өөгүй зүйл гэсэн санаа).