Мэдсэн дуулснаа санахгүй байх, эргэн дурсахгүй болох: ор тас мартах (тухайн үйл явдлаас юу ч санахгүй байх) - Олон удаа аварсныг огт мартах аргагүй. Ц.Дамдинсүрэн. Түүвэр зохиол., номоо мартах (номоо саналгүй орхих, үлдээх), *нойр хоолоо мартах (юмыг бүтээх гэж ихэд махран зүтгэх, ажиллах), мартана гэдэг маниас урьдын юм [хуучирсан] (хүн юмаа мартах нь эртнээс улбаатай гэсэн санаа), мартах нь хурдан, гэмших нь удаан (юм мартахдаа хурдан, гэмээ мэдэхдээ удаан гэсэн санаа), мартсаныг сануулж, унтсаныг сэрүүлж явах [зүйр цэцэн үг] (хажууд нь ойр байж, үргэлж хэлж зөвлөж байх гэсэн санаа), мартах нь үнэг шиг, гэмших нь баавгай шиг [зүйр цэцэн үг] (мартахыг үл тоох хэнэггүй байдал гэсэн санаа).