1. Мансууруулагч бодисоос хордох, мансууралд орох: архинд мансуурах (архинд хордох), мансуурах дон (сэтгэхүйд нөлөөлөх ямар нэгэн эм, бодисыг олон удаа хэрэглэсээр сүүлдээ ямар ч аргаар хамаагүй уг бодисыг олж хэрэглэх шаардлагатай болох сэтгэцийн эмгэг), *цэнгэлд мансуурах (жаргал цэнгэлд ихэд автах) - Цаг зуурын хоосон цэнгэлд мансуурах сэтгэлд ташуурч… билээ. С.Эрдэнэ. Хонгорзул;

---

2. [шилжсэн] Дүйнгэтэн маанагтах: толгой нь мансуурах (толгой нь эргэн маанагтах, будилах) - Амьтны халуун цусанд мансуурсан чоно гэдэг ийм байдаг байна. Б.Бааст. Алтайн хөх дөнөн., мансууран нозоорох (халууцан нойрмоглох) - Мансууран нозоорч “зөөлөн бөхөд” ялагдахын даваанд тулавч, өвгөний хүслийг хангах л хэрэгтэй болж гэдгийг ойлголоо. Б.Нямаа. Арандалынхан.