1. Хүн, амьтны дуу гарахгүй амаа ангайх: ам нь ангалзах (а. Дуу нь гарахгүй амаа байн байн ангайлгах; б. Ихэд айж цочсоноос үг хэлж чадахгүй байх) - Ам нь ангалзаж, хэл нь гялалзана. С.Буяннэмэх. Түүвэр зохиол;

---

2. Эд юмны уулзар ангас ангас хийх, байн байн ангайх - Ангалзаад байдаг хатан хүзүү, аман хүзүү хоёры нь хоорондуур ороод орхив гэнэ. Халх ардын тууль;

---

3. Толгой өвдөх - Дотор нь тун аягүй, толгой хагарах гэж байгаа юм шиг ангалзан айхавтар өвдөж байлаа. Д.Намдаг. Цаг төрийн үймээн;

---

4. [шилжсэн] Аальгүйтэх - Тийн цаг алдаж, ангалзаж байснаас нэгэн хоёр ном уншиж байх ч юм уу, эсхүл ямар нэгэн зураг зурж байвал дээр гэж боддог байлаа. С.Дашдооров. Уулсын өнгө., ангалзаж дарвалзах (аальгүйтэн сээтгэнэх);

---

5. [шилжсэн] Дэмий ярьдаг, сул үгтэй хүнийг шоглон хэлэх үг - Зүгээр л нэг айл хэссэн хүн шиг ноёныг дагаад л ангалзан давхиад байж болохгүй. Ж.Пүрэв. Аянга.