1. Амаа ихэд нээх - Сониуч багачуул амаа ангайж буурлын яриаг дуртай чагнана. Р.Чойном. Хүн., ангайж алмайрах (гайхаж амаа ангайлгах), ангайж хоцрох (ихэд гайхан цочирдох), ангайх амтай, залгих хоолойгүй [оньсого] (хайч), ам ихтийг ангайхад, буян ихт булаана [зүйр цэцэн үг] (авхаалжтай, сэргэлэн хүн л хождог гэсэн санаа), агсарсан хүнд ам ангайсны хэрэггүй [зүйр цэцэн үг] (уурлаж аашилсан хүн үг сонсдоггүй учир үг хэлэх хэрэггүй гэсэн санаа), амсахаас дурлах, ангайхаас хэрэлдэх [зүйр цэцэн үг] (юу ч хийгээгүй байж хийсэн дүр үзүүлэх гэсэн санаа);
2. Юмны нийлсэн уулзуур салж, завсар гарах:
хайч ангайх (хайчны хоёр гуяыг дэлгэх);
3. Юм хагарч ан гарах -
Хөвсгөлийн Цэцэрлэг голын саваар газар их хүчтэй доргин донсолсоор гурван өртөө хагас буюу 115 км урт газрын хөрс ангайн цуурсан байна. Б.Ширэндэв. Алтан дэлхий бүүвэйлсэн нь., ангайж харагдах (онгойж харагдах, онгойж үзэгдэх);
4. Урагдаж онгойх -
Дээлийн чинь суга ангайчихжээ. Яриа., ангайж байхаар умайж байсан нь дээр [зүйр цэцэн үг] (аливаа юм бүрэн бүтэн байх нь дээр гэсэн санаа);
5. [шилжсэн] Дэмий цаг нөгцөөх:
ангайж суух (ажилгүй сул суух),
ангайж идэж, алцайж унтагч [зүйр цэцэн үг] (ажил төрөл муутай унхиагүй залхуу гэсэн санаа),
ангайж суухаар ажиллаж сур [зүйр цэцэн үг] (алмайран зүгээр суухын оронд ямар нэг ажил хийж сурсан нь дээр гэсэн санаа);
6. [шилжсэн] Ихэд гайхах, алмайрах:
ангайж суух (ажилгүй сул суух).