Инээх үйлийн нэр: инээд алдах (тэсгэлгүй инээх), инээдээ барих (инээхийг тэсвэрлэх) - За тэгвэл бослогын толгойлогчийг хэлээд орхи! гэхэд хүмүүс бас л дуугүй болцгоож, залуучууд нь инээдээ барьж ядан жуумалзав. Б.Нямаа. Арандалынхан., инээд болгох (хөөр баяр болгох), инээд муутай (амархан инээдэг, инээд хүрэхэд хориглож тэсдэггүй зантай), инээд сайтай (инээдээ барьдаг), инээд хүрэх (инээд сайн муугаар дэврэн хөдлөх) - Чамайг одон горьдож ингэж зүтгэдэг байх гэж санахаас инээд хүрэх юм. Д.Мягмар. Уянгын туужууд., Шар шувууны чийртэй тэр инээд яс хавталзуулна. Д.Мягмар. Уянгын туужууд., хүйтэн инээд (хорсож басамжилсан инээд), инээд биш ханиад (баяр биш зовлон) - Миний явдал инээд биш ханиад болоод байжээ. Ч.Ойдов. Их жанжин Сүхбаатар танаа., чамд инээд, над ханиад (чамд баяр над зовлон, хүний зовлонг ойлгохгүй байна гэсэн хэллэг) - Чамд инээд над ханиад болоод байна гэж Цэрэндоржийн дуун үнэхээр цөхрөлийг илтгэнэ. С.Лочин нар. Галтай залуу нас., инээд наадам болох (тоглоом наадам болгох) - Хасбаатар биеэ зааж инээд наадам болон сууснаа... Ж.Пүрэв. Гурван зангилаа., инээд наадам хийх (а. Баяр хөөр болох; б. Тоглоом шоглоом хийх), инээд тохуу [хоршоо] (элэглэн шоолж наадах нь) - Бусад сармагчин түүний үгийг үл ойшоон инээд тохуу хийж одоо энэ чинь зөнөглөж гүйцээд дэмий юм ярьж суух боллоо. В.Шарма. Таван сургамж., инээдээ барах (а. Ихэд инээх; б. Дургүйцлээ хэлэх), инээд хөөр [хоршоо] (сэтгэл баясаж, хөгжин хөөрөх нь), *хөх инээд хүрэх (а. Дургүйлхэн хорссон байдал гаргах, зэвүүцэх; б. Басамжлах, тавлах - Итгэлт, ширээн дээр байсан лааг үлээх гээд эхнэрийн хойноос хөх инээд нь хүрэн алхав. Ч.Лодойдамба. Тунгалаг Тамир).