Мал, гөрөөсний зүйлж элдсэн зөөлөн нимгэн арьс: ямааны илэг (ямааны үсийг нь зумлаж илдсэн зөөлөн арьс), хүж илэг (маш нимгэн зөөлөн арьс), илгэн гутал (илгээр хийсэн гутал), илгэн дээл (илгээр хийсэн дээл) - Мөн хар хүн гуч илүү настай, илгэн дээл өмсөж, суран бүс бүсэлжээ. Д.Нацагдорж. Зохиолууд., хамба илэг (нарийн боловсруулж элдээд тусгай хээ гаргаж дармалласан арьс), эсгий зузаан нь сайн, илэг нимгэн нь сайн [зүйр цэцэн үг] (аливаа зүйл хэрэгцээ шаардлага, зориулалтаасаа хамаарч өөр өөрийн онцлогтой байх ёстой гэсэн санаа), айх нүүрэндээ адасга наах, ичих нүүрэндээ илэг наах [зүйр цэцэн үг] (ичих, эмээхийг юман чинээ бодохоо байх гэсэн санаа) - Манай говьчуул шиг ийм уужим сайхан сэтгэлтэй хүмүүсийн өмнө нүүрэндээ илэг наасан хойно л ирж үзэгдвэл таарна. С.Эрдэнэ. Хонгорзул.