1. Хэрэглэх юмыг урьдаас бэлтгэж бэлэн болгох; базаах, төхөөрөх - Хамаг юмаа зэхэх, төлөвлөгөөний ялимгүй дутууг гүйцээх хоёрт яг л зэрэгцэж байлаа. “Цог” сэтгүүл., унаа малаа зэхэх (унаж явах морь малаа аянд гарахад бэлэн болгох), зэхэх бэлтгэх [хоршоо] (төхөөрч бэлтгэх, бэлэн зэлэн болгох) - Зоогийг нь зэхэж ширээн дээр эрэмбэ ёстой өрнө. С.Удвал. Та бид уулзана;

---

2. Завдалхийлэх: гүйлтэд зэхэх (гүйхэд бэлэн болох, гүйж эхлэхээр анах), харайхаар зэхэх (харайхаар анах) - Түүнийг хүрэхтэй зэрэг харайчихъя гэж хэнз хурга бодоод зэхэж байна. Ц.Дамдинсүрэн. Түүвэр зохиол.