1. Нар гарах дорно зүг: зүүн европ (европын зүүн хэсэг), зүүн зүг (наран мандах зүг) - Хаа нэг морьтон үзэгдэвч тэд мөн л зүүн зүгийг барин одно. Л.Түдэв. Нүүдэл., зүүн өмнө (зүүн ба өмнө зүгийн хоорондох зовхис чиг), зүүн тал (а. Хүн юмнаас зүүнш байгаа газар: багшийн зүүн талд суух (багшийн солгой гар талд суух); б. Тухайн юмны зүүн хагас: байшингийн зүүн тал (байшингийн наран тал), зүүн урагш (зүүн өмнө зүг рүү) - Үхэр тугал ямар нэгэн юмнаас үргэсэн бололтой зүүн урагш бөөгнөрөн одсоныг мөрөөр нь олж мэдэв. Л.Түдэв. Нүүдэл., зүүн хойд (умар, зүүн зүгийн хоорондох зовхис чиг), зүүн хойд ази (ази тивийн зүүн хойд хэсэг), зүүгээр нисэж өнгөрөх (зүүн талаар нисэж өнгөрөх), голын зүүгээр нутагтай (голын зүүн талаар нутагтай), зүүн баруун [хоршоо] (ертөнцийн зүгээр аливаа юмны нар мандах болон жаргах тал) - Хотын зүүн баруун хойд этгээд олон цэрэг хүндэд үүл шатыг хэлхэж хамтаар туршиж… В.Инжаннаши. Хөх судар;

---

2. Хүн, амьтны биеийн солгой гар тал: зүүн гар (солгой гар), зүүн шанаа (зөв талын шанаа) - Дамбий өөрөө өөрийнхөө зүүн гарын алган дээр тамгаа дарж орхижээ. Л.Түдэв. Нүүдэл;

---

3. Шадар ойрын: зүүн гар (шадар туслах) - Жич Жамухын зүүн баруун хоёр Ценшиян Чандган цагаан, Хотгонбэх хоёуланд харин ч нэлээд учир бий. В.Инжаннаши. Хөх судар.