1. Ер дээр арвыг нэмсэн нь: зуу дахь (зуудугаарх; зууд тохиосон нь), зуун төгрөг (арван арвын нийлбэртэй тэнцэх мөнгөн дэвсгэрт), зуун түм (сая), зуун ямаа (ер дээр нэгийн нэмсэнтэй тэнцэх тооны ямаа), зуун хүний зүс үзэхээр, нэг хүний нэр тогтоо [зүйр цэцэн үг] (хүнд таних төдий олон хүнээс илүү сайн мэдэх ганц найз байвал илүү хэрэгтэй гэсэн санаа), зуун мод (ойгоос тасархай хэсэг бөөн мод) - Тэндээс хэсэг зуун мод, цэцэрлэг, сэргэлэн сайхан тал үзэгдэнэ. Б.Ян. Чингис хаан;

---

2. Хуучин цагийн цэргийн зохион байгуулалтын нэр - Цэргүүдээ арван, зуун, мянган болгон хуваарилжээ. Монголын нууц товчоо;

---

3. Олон: зуун задгай (эвдэрхий нуранги, эмх цэгцгүй) - Доторх юм нь зуун задгай жаран хагархай болжээ. Ч.Лодойдамба. Тунгалаг Тамир., зуун мод (ойгоос тасарсан хэсэг бөөн мод), зуун намар (урт удаан он жил, олон жил), зуун наст [ургамал] (аруу цэцэг), зуун овог (хүн төрөлхтний овог төрөл маш олон тул хураангуйлан товчилж “зуун овог” гэж нэрлэжээ. Олон овог гэсэн үг юм), зуун овогтон (энгийн ард), зуун хоногийн ханиад (ихэвчлэн хүүхдэд тусдаг хөхүүлэн ханиалгах халдварт ханиад), зуун хүсэл (хязгааргүй олон хүсэл), зуун үнээний сааль байвч зундаа, зуун үрийн тариа байвч намартаа [зүйр цэцэн үг] (хэрэг явдалд цаг тохиол эрхэм, цагийг алдвал ямар ч үйлийг бүтээхэд бэрх гэсэн санаа);

---

4. Бүрэн: зуун хувь (бүрэн гүйцэд).