Хүний санаанд урьдаас сэрэгдэн төсөөлөгдөх авьяас, хүний мэдрэхүйн дээд шат: зөн бэлгэ [хоршоо] (оюун ухаанаас гадуур сэрэгдэн төсөөлөгдөх зүйл) - Би тэр хоёрт зүүднийхээ тухай ярьж өгөхөд зөн билигтэй сайн зүүд байна гэж сайшаалаа. С.Эрдэнэ. Хонгор зул., зөн бодол [хоршоо] (ирээдүйн тухай сэрэгдэн төсөөлөгдөх бодол) - Гэтэл сайхан охиноо харж, ухаант хонгор минь хүний гар хүрээгүй шинэхэн сарнай минь гэж шивгэнэн, ёрын муухай зөн бодлоор гол нь харалж эхлэв. Б.Нямаа. Арандалынхан., зөн мэдэл [хоршоо] (юмыг зөгнөн мэдэх мэдэл, урьдчилан мэдэх чадвар), зөн совин [хоршоо] (ирээдүйд тохиох хэрэг явдлыг урьдчилан мэдрэх ёр, түүнийг мэдрэх авьяас).