Цэцгийн тоосоор хооллож, цэцгийн бал цуглуулдаг, олноор сүрэг болон амьдардаг, нисдэг шавж, олон зүйлтэй, заримыг нь хүн үржүүлж, цуглуулсан балыг нь ашигладаг - Зөгий олонтой газар бал элбэг. Ж.Дашдорж. Цэцэн үгийн далай., морин зөгий [амьтан] (нарийвтар биетэй, шар, хар эрээн зүстэй, хатгавал хортой нэг зүйл том зөгий), шар зөгий [амьтан] (их бие нь шар эрээн, хүн малыг ээрч хатгадаг нэг зүйл зөгий), зөгийн бал (зөгий цэцгийн шүүсийг үүртээ цуглуулж боловсруулдаг амтлаг зүйл), зөгийн гэр (зөгийн сархинаг дахь зургаан өнцөгт бяцхан хонгио, зөгий түүнд өндөглөх ба балаа хадгална), зөгийн сархинаг (зөгийн зургаан талт гэрээр бүрдсэн сархинаг), зөгийн үүр (зөгийн орогнон үүрлэх газар), ажилчин зөгий (үржлийн эрхтэн нь дутуу хөгжсөн, үүр барих, түүнийгээ хамгаалах, өндөг авгалдайг асрамжлан тэжээх үүрэгтэй зөгий).
--oOo--