1. [шашин] Золио, золиос; өвчтэй хүнд тохиолдсон гай барцдыг зайлуулан золиосонд нь явуулах гэж гурилаар хүний дүрс хийн хувцаслаж, ламаар заслын ном уншуулан, мууг зүгт нь хаях шашны зан үйл: золигт гаргах (а. Хувцас хунараасаа золигийн өмсгөлд өгч хаях зан үйл гүйцэтгэх; б. Золигт мордуулах) - Золигт гаргамар юм гэж дайрах доромжлох үгээ олж ядна. “Цог” сэтгүүл., золигт мордуулах (а. Хиймэл золигийн оронд амьд хүнийг цөлөх; б. [шилжсэн] Өмгөөлөн хамгаалж байгаа хүнийхээ оронд өөр хүнийг түлхэн хохироох);

---

2. Өөдгүй, олиггүй, танхай - Задарсан золиг гэж хараагаад энэ нутагт намайг амьдад битгий буцаж ир гээрэй хэмээн айлдав. С.Удвал. Их хувь заяа;

---

3. [шилжсэн] Хүний хийсэн үйлийг тодорхой сайшааж, муушааж чадахгүй үед хэлэх үг: золигийн хөөрхөн жаал (зүйрлэх аргагүй хөөрхөн жаал), золигийн хүүхэд (хачин хүүхэд) - Чи ч ёстой золигийн хүн юм аа. Яриа.