1. Хувьд оногдсон зол, учрал, тохиол: заяа бодох (төрсөн од, гарагийн нь тохиолыг шинжиж, хүний нэг насны хувь төөргийг зөгнөн хэлэх), заяа бодогч (хүний нэг насны хувь төөргийг зөгнөн хэлэгч), заяа бодогч жаран худалч [зүйр цэцэн үг ] (хүний хувь төөрөг зөнчийн үгээр болдоггүй гэсэн санаа), заяа муутай (хувь учрал сайнгүй хүн), заяа мэдэх (хувь тохиол, ерөөл буянаараа болох), заяа нийлсэн хань (ерөөлөөр учирсан хань), заяа сайтай (учрал тавилан сайтай), амар заяа үзүүлэх (амраах), заяа барилдлага [хоршоо] (учрал тохиол, шүтэн барилдлага), заяа зол [хоршоо] (тавилан, азтай тохиол), заяа төөрөг [хоршоо] (хувь зохиол, хувь тавилан), заяа учрал [хоршоо] (тавилан учрал), заяа учрал бодох (ерөөл тавилан бий гэж санах), заяандаа даатгах (хувь тавиландаа найдах), заяаны таван тэнгэр (орны, эрийн, охины, дайсны, амин тэнгэр, хүнийг эхээс төрөхөд хамт төрж, насан туршид нь ивээн тэтгэдэг гэж үздэг), аз заяа [хоршоо] (аз завшаан, зол учрал), буян заяа [хоршоо] (аз заяа), зол заяа [хоршоо] (тохиол учрал, аз), оноо заяа [хоршоо] (хувь тавилан), үйл заяа [хоршоо] (хувь тавилан, хувь төөрөг), хувь заяа [хоршоо] (а. Хүний төрөхөөс үхэх, өсөхөөс өтлөх хүртэлх бүх насны учрал тохиолын уг зураг гэсэн санаа бүхий сүсэг бишрэлийн үг; б. [шилжсэн] Аливаа юмны хөгжлийн үр дүн) - Хувь заяа дэнсэлсэн ийм цөвүүн цагт болохгүй. Б.Нямаа. Арандалынхан., хувь заяагаа даатгах (хувь ерөөл мэдтүгэй гэж найдах), хувь заяандаа гомдох (ерөөл тавилангийн хомс мууд харамсах), санаа зөв бол заяа зөв [зүйр цэцэн үг (сайн санаа өвөрлөж явбал өөрийн ажил үйлс бүтэмжтэй байдаг гэсэн санаа);

---

2. Насан турш, төрөлхийн; заяаны мэнгэ (амьдралын мэнгэ), заяаны нөхөр (амьдралд тохиолдсон нэг насны сайн нөхөр) - Заяаны нөхөр Алтансантай, жаргалынхаа замыг холбожээ хө. Монгол ардын дуу., заяаны хань (хувь төөргөөр учирсан насан туршийн хань), *заяанаа эрүүсдэх (үхэх), амар заяа үзүүлэхгүй (огтхон ч тайван байлгахгүй), заяа муутыг тэмээн дээрээс нохой хазах [зүйр цэцэн үг] (арчаа муутай бол ямар ч сайн нөхцөлд гай гамшиг амсана гэсэн санаа).