1. Эд юманд зах хөвөө хийх: дээвэр захлах (а. Эсгий дээвэрт зах ирмэг оёх; б. Байшин барилгын дээврийг хөвөөлөх), хувцас захлах (хувцсанд зах хадах) - Ээж маань гадаа сууж хувцас хунар захалж байсан. “Цог” сэтгүүл., ширдэг захлах (ширдэг хөвөөлөх);
2. Нуур, далай, гол мөрний ус захаасаа хөлдөж эхлэх:
гол захлах (голын ус эрэг ирмэгээсээ зайртан хөлдөх),
нуур захлах (нуурын хөвөө хавь зайрмагтах);
3. Бусадтайгаа нийлэхгүй зайдуу байх, ижил сүргийнхээ захаар нь байх:
мал захлах (мал сүргийнхээ захаар голцуу байх),
хонь захлах (хонин сүргээсээ онцгой салгуу явах) -
Хонь мал захлаад явчих вий. “Цог” сэтгүүл;
4. Зах хөвөө дагуу явах, орших:
гол захалж явах (голын эрэг, хөвөө дагаж явах),
нуур захалж нутаглах (нуурын захад ойр нутаглах, нуур тийш шахаж буух);
5. Үсний хажуу, ар захыг тэгшлэн засах:
үс захлах (үсний үзүүр, ирмэгийг тэгшлэн засах),
халимаг захлах (халимаг үсийг үзүүрээс нь тэгшлэх тайрах).